మనసు దోచుకుంటున్న ‘అరుణాచల్‌’ అందాలు!

తాజా వార్తలు

Published : 20/08/2020 22:49 IST

మనసు దోచుకుంటున్న ‘అరుణాచల్‌’ అందాలు!

ఇంటర్నెట్‌ డెస్క్‌: ప్రకృతిని ఆస్వాదించాలనుకునే వారికి అరుణాచల్‌ప్రదేశ్‌ మంచి వేదికగా నిలుస్తోంది. ఇక్కడ సహజ సిద్ధమైన అందాలతో పాటు వెదురు బొంగులతో నిర్మించిన వంతెనలు ఆకట్టుకుంటున్నాయి. దేశంలోనే 300మీటర్ల పొడవైన సింగిల్‌ లేన్ స్టీల్‌ కేబుల్ సస్పెన్షన్‌ వంతెన కూడా ఇక్కడ ఉంది. దేశంలోని అందమైన ఈశాన్య రాష్ట్రాల్లో అసోం, మేఘాలయతో పాటు అరుణాచల్‌ప్రదేశ్‌ ఒకటి.

 

ఈ ప్రాంతంలో ప్రకృతిసిద్ధమైన ప్రదేశాలు ఎన్నో ఉన్నాయి. పర్యాటక ప్రాంతాలను సందర్శించాలి అనుకునే వారికి ఈ రాష్ట్రం మంచి ఎంపిక. ప్రపంచానికి తెలియని ఎన్నో సుందరమైన ప్రదేశాలు ఇక్కడ ఉన్నాయి. ఇక్కడి సింగిల్‌ లేన్‌ స్టీల్‌ కేబుల్‌ సస్పెన్షన్‌ వంతెన పర్యాటక ప్రాంతంగా ప్రసిద్ధి చెందింది. యమునా నదిపై వెదురు బొంగులతో నిర్మించిన వంతెన కూడా ఇక్కడికి వచ్చే పర్యాటకుల మనసు దోచుకుంటోంది. దీన్ని కర్రలు ,తాళ్లతో రూపొందించారు. మనుషులు నడవడం కోసం నడి భాగంలో వెదురు బొంగుల అమరికలను పేర్చారు. ఈ వంతెనను గిరిజనుల సంస్కృతికి చిహ్నంగా అభివర్ణిస్తారు. సుమారు 1000 అడుగుల పొడవు గల ఈ వంతెనను గిరిపుత్రులు తమ రోజువారీ కార్యకలాపాల కోసం వినియోగిస్తారు. వంతెనపై వెళ్లేటప్పుడు నది ప్రవాహాన్ని చూస్తే అందులోని రకరకాల చేపలు ఎగురుతున్న సుందరమైన దృశ్యాలు కనువిందు చేస్తాయి. నది పరీవాహక ప్రాంతంలో ఉన్న సుమారు 20వేల మందికి వంతెన ఎంతో ఉపయోగపడటమే కాకుండా రక్షణను కల్పిస్తోంది. ఈ రెండు వంతెనలు ఇక్కడి ప్రజలకు ప్రధాన రవాణా మార్గంగా ఉపయోగపడుతున్నాయి. ఈ ప్రాంత ప్రజలు ఎక్కువగా అటవీ వృక్షాలు, పండ్లు, ఇతర వాటిపై ఆధారపడి జీవిస్తుంటారు.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని