లక్షణాలు లేనివారికి వెంటనే టెస్టులు చేయం..

తాజా వార్తలు

Published : 25/12/2020 01:46 IST

లక్షణాలు లేనివారికి వెంటనే టెస్టులు చేయం..

మహారాష్ట్ర ప్రభుత్వం

ముంబయి: యూరోప్‌, సౌత్‌ ఆఫ్రికా నుంచి వచ్చే ప్రయాణికుల్లో లక్షణాలు లేని వారికి వెంటనే ఆర్టీ-పీసీఆర్‌ టెస్టులు చేయబోమని మహారాష్ట్ర ప్రభుత్వం ప్రకటించింది. బ్రిటన్‌లో కొత్త రకం కరోనా ఏర్పడిన నేపథ్యంలో వివిధ ప్రాంతాల నుంచి వచ్చే ప్రయాణికులకు విమానాశ్రయాల్లోనే కొవిడ్‌-19 టెస్టులు చేసి ఫలితం నెగెటివ్‌ వచ్చాకే ఇంటికి పంపుతున్నారు. దీంతో ప్రయాణికులు విమానాశ్రయాల్లోనే గంటల తరబడి చిక్కుకుపోతున్నారు. ఈ నేపథ్యంలో గురువారం మహారాష్ట్ర సర్కారు ఒక ప్రకటన వెలువరించింది. ఈ క్రమంలో సంబంధిత ప్రాంతాల నుంచి వస్తున్న ప్రయాణికులకు ఏ విధమైన కరోనా లక్షణాలు లేనట్లైతే వారిని ఇంటికి పంపుతామని ఆ ప్రకటనలో పేర్కొన్నారు. కాకపోతే వారు వారం రోజులు సంస్థాగత క్వారంటైన్‌ ఉండాలని తెలిపారు. ప్రయాణికులు క్వారంటైన్‌లో ఉన్న హోటళ్లు తదితర ప్రాంతాల్లో 5, 7 రోజుల్లో వారికి టెస్టులు చేస్తామని వారు వెల్లడించారు. ఈ టెస్టుల్లో వారికి నెగెటివ్‌ వస్తే ఇంటికి పంపుతామన్నారు. కాకుంటే వారు మరో వారం పాటు ఐసోలేషన్‌లో ఉండాలని ఆ ప్రకటనలో తెలిపారు. ఎటువంటి లక్షణాలు లేకపోయినా ఫలితం పాజిటివ్‌ వచ్చిన వారిని 14 రోజులు సంస్థాగత క్వారంటైన్‌లోనే ఉంచుతామని ఆ సర్క్యులర్‌లో పేర్కొన్నారు.

ఇవీ చదవండి..

‘కొత్త కష్టం’..: 8 గంటలకు పైగా ఎయిర్‌పోర్టుల్లోనే


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని