ఆల్‌రైట్‌ సర్‌..

అవీ.. ఇవీ

ఆల్‌రైట్‌ సర్‌..

కాలేజీ డైరీ

మా కెమిస్ట్రీ లెక్చరర్‌ ప్రతి మాట వెనకాల ‘రైట్‌’ అంటుంటారు. దానికి మేం ‘ఔను.. రైట్‌ సర్‌’ అనాలి అని ఆయన ఉద్దేశం. ఎవరూ వినకపోయినా ఆయన మాత్రం పాఠం చెప్పుకుంటూ వెళ్తారు. ఆరోజు అదే పరిస్థితి. మా క్లాస్‌మేట్స్‌ అంతా దాదాపు నిద్ర మత్తులో జోగుతున్నారు. క్లాసులో కాస్త ఉత్సాహం తీసుకురావాలని నేను ప్రతిదానికీ ‘రైట్‌ సర్‌’ అని గట్టిగా అరిచాను. నాలుగైదుసార్లు అలా చేసేసరికి నిద్రమత్తులో ఉన్నవాళ్లంతా ఉలిక్కిపడి లేచి నావైపు చూస్తూ నవ్వడం మొదలు పెట్టారు. అయినా నేను ఆపలేదు. వేళాకోళమాడుతున్నానని సర్‌కి అర్థమైంది. నన్ను లేచి నిలబడమన్నారు. అమాయకంగా ‘ఏమైంది సర్‌’ అన్నాను. ‘నాకు తెలుసు.. నేను ప్రతిసారీ రైట్‌ కాదని. అయినా ఎందుకలా అంటున్నావ్‌? నీకేదైనా సందేహం వస్తే అడుగు’ అని మళ్లీ ఎప్పట్లాగే రైట్‌..? అన్నారు. నేనూ ‘రైట్‌ సర్‌’ అన్నాను. ఆయన కోపం నషాళానికంటిపోయింది. ‘గెటౌట్‌ ఆఫ్‌ మై క్లాస్‌’ అని అరిచారు. నేను నవ్వుకుంటూ బయటికెళ్లిపోయాను.

- నిరంజన్‌, ఈమెయిల్‌

Tags :

మరిన్ని

జిల్లా వార్తలు

చదువు సుఖీభవ మకరందం ఈతరం ఆహా హాయ్ బుజ్జీ స్థిరాస్తి రుచులు దేవతార్చన

అవీ.. ఇవీ

మరిన్ని

రుచులు

App