క్లాస్‌రూంలో తపస్సు..

అవీ.. ఇవీ

క్లాస్‌రూంలో తపస్సు..

కాలేజీ డైరీ

డిగ్రీలో జరిగిందీ సరదా సంఘటన. అప్పట్లో నేను, మా ఆయన శ్రీ క్లాస్‌మేట్స్‌. తను మెరిట్‌ విద్యార్థి. లోతైన సందేహాలతో లెక్చరర్లను ఇరుకున పెట్టేవాడు. దాంతోపాటు అల్లరి కూడా ఎక్కువే. ఫైనలియర్‌లో ఉన్నప్పుడు ఒక లెక్చరర్‌ సెమినార్‌ నిర్వహిస్తున్నారు. ఇంతకుముందే ఆ సబ్జెక్టు అంతా బట్టీ పట్టేశాడు శ్రీ. మళ్లీ వినడం ఇష్టంలేక వెనక బెంచిలో వెళ్లి కూర్చొని ఇయర్‌ఫోన్స్‌ పెట్టుకొని సెల్‌ఫోన్‌లో పాటలు వింటున్నాడు. సర్‌ మాట్లాడటం ఆపి సరిగ్గా మావైపు చూస్తున్న సమయంలోనే ఇయర్‌ఫోన్స్‌ ఊడిపోయి పెద్దశబ్దంతో పాట బయటికి వినబడటంతో క్లాసంతా అటువైపు చూడటం మొదలుపెట్టారు. ఇంతకీ ఆ పాట ఏంటో తెలుసా? ‘క్లాసురూములో తపస్సు చేయుట వేస్టురా గురూ’ సాంగ్‌. తర్వాత మా లెక్చరర్‌ ఫోన్‌తో సహా మా ఆయనను స్టాఫ్‌రూంకి పిలిపించుకొని అక్కడ ఒక లెక్చర్‌ ఇచ్చారు. వాళ్లు అటు వెళ్లగానే మా క్లాసంతా నవ్వులతో నిండిపోయింది.

- అనూ

Tags :

మరిన్ని

జిల్లా వార్తలు

చదువు సుఖీభవ మకరందం ఈతరం ఆహా హాయ్ బుజ్జీ స్థిరాస్తి రుచులు దేవతార్చన

అవీ.. ఇవీ

మరిన్ని

రుచులు

App