close
Updated : 10/09/2021 08:52 IST
Facebook Share
Twitter Share
WhatsApp Share
Telegram Share

ఒకే ఇంట్లో ముగ్గురు సరస్వతులు

ఇద్దరు అక్కచెల్లెళ్లూ, అన్నదమ్ములూ ఒకే రంగంలో మంచి ప్రతిభ కనబరచడం అడపాదడపా అయినా చూస్తుంటాం. ఈ సోదరీమణులు మాత్రం ఒకే రంగంలో పోటాపోటీగా రాణిస్తున్నారు. చదువుతోపాటు సంగీతంలోనూ శభాష్‌ అనిపించుకుంటున్నారు. చీరాలకు చెందిన ప్రతిభావనులు కొణికి సిస్టర్స్‌ విశేషాలు ఇవీ...

ళల పట్ల వారికున్న ఆసక్తికి అమ్మానాన్నల ప్రోత్సాహం తోడయ్యింది. దాంతో చదువుల్లో మేటిగా నిలుస్తూనే, శాస్త్రీయ సంగీతంలోనూ దిట్టలు అనిపించుకుంటున్నారు. ఈ ముగ్గురూ కర్ణాటక సంగీతంతోపాటు, లలిత, జానపద సంగీతాల్లోనూ ప్రావీణ్యం సాధించారు. వీళ్ల అమ్మానాన్న కొణికి చంద్రశేఖర్‌, సావిత్రీ దేవి. మధ్యతరగతి కుటుంబం. స్వస్థలం ప్రకాశం జిల్లా చీరాల. పెద్దమ్మాయి సుష్మ ఇంజినీరింగ్‌ పూర్తి చేసింది... రెండో అమ్మాయి శ్రావ్య కంచి విశ్వవిద్యాలయంలో బీటెక్‌ మూడో చదువుతోంది. మూడో అమ్మాయి వైష్ణవి సునామీ ఇంటర్‌ పూర్తి చేసింది. చదువుల్లోనూ మంచి మార్కులతో  ఉత్తీర్ణులవుతూ, రాయితీ ఫీజులతో సీట్లు సంపాదిస్తూ, ఙ్ఞాన సరస్వతులుగా పేరు తెచ్చుకుంటున్నారు. పెద్ద అమ్మాయిలిద్దరూ సంగీతంలో సర్టిఫికెట్‌ కోర్సులు చేశారు.  చదువులకు ఇబ్బంది కలగకుండా చూసుకుంటూనే గురుముఖంగా సాధన చేస్తూ క్షణం తీరిక లేకుండా ఉంటారు. ఇప్పటి వరకూ 50కి పైగా కచేరీలు ఇచ్చారు. ఎక్కడ శాస్త్రీయ, జానపద, లలిత సంగీత పోటీలు జరిగినా ఈ అక్కాచెల్లెళ్లకు ఏదోక బహుమతి రావలసిందే. అంతే కాదు... కొంతమంది చిన్నారులకు ఆన్‌లైన్‌లోనే నామమాత్రపు ఫీజు తీసుకుని సంగీతంలో శిక్షణ కూడా ఇస్తున్నారు. చిన్నమ్మాయి వైష్ణవికి సంగీతంతో పాటు తైక్వాండోలోనూ  ప్రావీణ్యం ఉంది. అందులో గ్రీన్‌బెల్ట్‌ సాధించింది. వయోలిన్‌లోనూ శిక్షణ తీసుకుంటోంది. ఉన్న తక్కువ సమయంలోనే ప్రణాళికాబద్ధంగా అన్ని రంగాల్లోనూ రాణిస్తున్నారు.

మరిన్ని

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని