Arrest: తమిళనాడు నేతను అరెస్టు చేసిన తెలంగాణ పోలీసులు

తాజా వార్తలు

Updated : 01/09/2021 08:43 IST

Arrest: తమిళనాడు నేతను అరెస్టు చేసిన తెలంగాణ పోలీసులు

చెన్నై, న్యూస్‌టుడే: కామినేని ఆసుపత్రిని మోసం చేసిన అభియోగంపై తమిళనాడుకు చెందిన ఓ రాజకీయ నేతను తెలంగాణ పోలీసులు మంగళవారం అరెస్ట్టు చేశారు. పోలీసుల కథనం ప్రకారం.. శివగంగై జిల్లా కారైకుడికి చెందిన ఎస్సార్‌ దేవర్‌.. మూవేందర్‌ మున్నేట్ర కళగం ప్రధాన కార్యదర్శిగా, ఐదు జిల్లాల రైతు సంఘాల అధ్యక్షుడిగా పనిచేస్తున్నారు. తెలంగాణ నుంచి ఐదుగురు సభ్యులతో వచ్చిన ఓ పోలీసు బృందం మంగళవారం దేవర్‌ను అదుపులోకి తీసుకుంది. కారైకుడి నార్త్‌ పోలీస్‌స్టేషన్‌కు తీసుకెళ్లి విచారించాక అరెస్టు చేసి తెలంగాణకు తీసుకెళ్లింది. తెలంగాణలో కామినేని ఆసుపత్రికి రూ.300 కోట్ల రుణాలు ఇప్పిస్తానని నమ్మించి 2018లో రూ.5 కోట్లను డాక్యుమెంట్‌ ఛార్జీ కింద తీసుకొని మోసం చేసినట్టు అభియోగం. 2021 తమిళనాడు శాసనసభ ఎన్నికల్లో అన్నాడీఎంకే కూటమి తరఫున తిరుచుళి నుంచి దేవర్‌ పోటీ చేశారు.


Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని