Crime News: పంచలోహ విగ్రహాల విక్రయానికి యత్నం.. ఐదుగురు సభ్యుల ముఠా అరెస్టు

తాజా వార్తలు

Published : 19/10/2021 01:51 IST

Crime News: పంచలోహ విగ్రహాల విక్రయానికి యత్నం.. ఐదుగురు సభ్యుల ముఠా అరెస్టు

గుంటూరు‌: పంచలోహ విగ్రహాలను విక్రయించేందుకు ప్రయత్నించిన ఐదుగురు సభ్యుల ముఠాను గుంటూరు అరండల్ పేట పోలీసులు అరెస్టు చేశారు. వారి నుంచి 4కిలోల బరువుతో.. రూ.10 లక్షలు విలువైన శివపార్వతుల పంచలోహ విగ్రహాలను పోలీసులు స్వాధీనం చేసుకున్నారు. ఈ కేసుకు సంబంధించిన వివరాలను గుంటూరు అర్బన్ ఎస్పీ ఆరిఫ్ హఫీజ్, డీఎస్పీ సుప్రజ మీడియాకు వివరించారు.

ఎస్పీ వెల్లడించిన వివరాల మేరకు.. ప్రకాశం జిల్లా కనిగిరి మండలం కమ్మవారిపాలెంకు చెందిన రైతు సుందరరావు.. గతేడాది నవంబరులో తన పొలం దున్నుతుండగా శివ పార్వతుల పంచలోహ విగ్రహాలు బయటపడ్డాయి. అవి బంగారు విగ్రహాలుగా భావించిన సుందరరావు, ఎవరికి చెప్పకుండా అతని ఇంట్లోనే దాచుకున్నాడు. ఇటీవల సుందరరావుకు ప్రమాదం జరగగా డబ్బులు అవసరమై తన అన్నయ్య కుమారుడైన రవిని ఇంటికి పిలిచి పంచలోహ విగ్రహాల విషయాన్ని విరించాడు. వీరిద్దరితో పాటు గుంటూరుకు చెందిన మరో నలుగురు వ్యక్తులు విగ్రహాలు విక్రయించే క్రమంలో ఇవాళ గుంటూరు కొరిటెపాడు సెంటర్‌లో పట్టుబడ్డారు. పురాతన, విలువైన వస్తువులు ఏవైనా దొరికితే ప్రభుత్వ యంత్రాంగానికి సమాచారం అందించాలని.. అలా కాకుండా ఎవరైనా స్వప్రయోజనాలకు వినియోగిస్తే చట్టపరమైన చర్యలు తీసుకుంటామని ఎస్పీ హెచ్చరించారు.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని