close

తాజా వార్తలు

Published : 28/09/2020 01:27 IST
Facebook Share Twitter Share WhatsApp Share Telegram Share

బొగ్గు గనిలో ప్రమాదం.. 16 మంది మృతి

బీజింగ్‌: చైనాలోని ఓ బొగ్గు గనిలో జరిగిన ప్రమాదంలో 16 మంది కార్మికులు మృతిచెందారు. మరొకరి పరిస్థితి విషయంగా ఉందని, పలువురు అస్వస్థతకు గురైనట్లు చైనా అధికారిక ప్రసార మాధ్యమం సీసీటీవీ వెల్లడించింది. నైరుతి చైనా చోంగ్‌కింగ్‌ ప్రాంతంలోని ఓ బొగ్గు గనిలో ఆదివారం ఉదయం అగ్నిప్రమాదం సంభవించింది. అయితే ఆ ప్రమాదం అనంతరం వెలువడ్డ విషపూరిత వాయువు కార్బన్‌ మోనాక్సైడ్‌ కారణంగానే మరణాలు సంభవించాయని ప్రభుత్వం వెల్లడించినట్లు అధికారిక న్యూస్‌ ఏజెన్సీ జిన్‌హువా పేర్కొంది. ప్రభుత్వం ద్వారా నిర్వహిస్తోన్న ఆ గనిలో ప్రమాదానికి గల కారణాలు తెలియాల్సి ఉందని కిజియాంగ్‌ జిల్లా ప్రభుత్వ యంత్రాంగం సామాజిక మాధ్యమం వెయిబోలో వెల్లడించింది. 

కట్టుదిట్టమైన భద్రతా చర్యలు లేకపోవడం వల్ల చైనాలోని బొగ్గు గనుల్లో ప్రమాదాలు సర్వసాధారణంగా మారాయి. గత డిసెంబర్‌లో ఓ గనిలో జరిగిన పేలుళ్లలో 14 మంది మైనర్లు మరణించారు. 2018 అక్టోబర్‌లో జరిగిన ఓ ప్రమాదంలో 21మంది మైనర్లు, అదే ఏడాది డిసెంబర్‌లో జరిగిన మరో ప్రమాదంలో ఏడుగురు మైనర్లు మృతిచెందారు.
 


Tags :

క్రైమ్

రాజకీయం

జనరల్‌

సినిమా

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.