close
అవీ.. ఇవీ..
‘రజనీ వైల్డ్‌’ ఎపిసోడ్‌ వచ్చేస్తోంది

ఇంటర్నెట్‌ డెస్క్‌: రజనీకాంత్‌ అభిమానులు ఎప్పుడెప్పుడా అని ఎదురుచూస్తున్న రోజు రానే వస్తోంది. ఆయన పాల్గొన్న మ్యాన్‌ వర్సెస్‌ వైల్డ్‌ ఎపిసోడ్‌ ప్రసార తేదీని డిస్కవరీ ఛానల్‌ ప్రకటించింది. మార్చి 23న రాత్రి 8గంటలకు ప్రేక్షకుల ముందుకు రానున్నట్లు తెలిపింది. ఈ విషయాన్ని ఛానల్‌ తన ట్విటర్‌ ఖాతాలో ప్రకటించింది. అంతేకాదు ఆ ఎపిసోడ్‌కు సంబంధించిన ఓ ప్రోమో వీడియోను కూడా విడుదల చేసింది. ‘అల్టిమేట్‌ సూపర్‌స్టార్‌ రజనీకాంత్‌, సాహసవీరుడు బేరీ గ్రిల్స్‌ కలిసి ఇండియాలోని అడవుల్లో చేసిన సాహస కృత్యాలను చూసేందుకు సిద్ధమవండి. తలైవా ఆన్‌ డిస్కవరి’ అంటూ పేర్కొంది. ఆ ప్రోమోలో సూపర్‌స్టార్‌ క్వాడ్రా సైకిల్‌ మీద దూసుకొస్తూ కనిపిస్తారు.
ఈ ఎపిసోడ్‌ను కర్ణాటకలోని బందీపూర్‌ అడవుల్లో జనవరిలో చిత్రీకరించిన విషయం తెలిసిందే. ఈ కార్యక్రమంతో తలైవా రజనీకాంత్‌ తొలిసారిగా ఓ టీవీషోలో కనిపించనున్నారు. కార్యక్రమంలో పాల్గొన్నందుకు చాలా ఆనందంగా ఉందని, ఇదొక మరిచిపోలేని అనుభవమని రజనీ అభిమానులతో ట్విటర్‌ వేదికగా పంచుకున్నారు. కాగా.. ఈ షూట్‌లో తొలిరోజు రజనీకి గాయాలైనప్పటికీ కోలుకొని తర్వాతి రోజే చిత్రీకరణలో పాల్గొన్నారు. గతంలో రజనీకంటే ముందు భారత ప్రధాని నరేంద్ర మోదీ ఈ కార్యక్రమంలో కనిపించారు. ఆ ఎపిసోడ్‌ను ప్రపంచ వ్యాప్తంగా అత్యధిక మంది వీక్షించి రికార్డు సృష్టించినట్లు ఛానల్‌ పేర్కొంది. తాజాగా.. రజనీకాంత్‌ పాల్గొన్న ఈ ఎపిసోడ్‌పై భారీ అంచనాలు నెలకొన్నాయి.



Tags :

తాజా వార్తలు

టాలీవుడ్‌

మరిన్ని

ఫోటోలు

హీరో మరిన్ని

హీరోయిన్ మరిన్ని

సినిమా స్టిల్స్ మరిన్ని

ఈవెంట్స్ మరిన్ని

జిల్లా వార్తలు

దేవ‌తార్చ‌న

రుచులు
+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.