close
Published : 22/01/2021 18:10 IST
Facebook Share Twitter Share WhatsApp Share Telegram Share
ఇంత అందమున్నా.. నన్నూ దూషించారు!

ఇంటర్నెట్‌ డెస్క్‌: సౌందర్య విమర్శ, గణాంకాల సంస్థ టీసీ కాండ్లర్‌ ప్రతి సంవత్సరం ప్రపంచం మొత్తాన్ని జల్లెడ పట్టి..  అందమైన ముఖ సౌందర్యం కలిగిన వంద మంది యువతుల జాబితాను తయారుచేస్తుంది. అందులో ఒకరిని విజేతగా ప్రకటిస్తుంది. దేశం, ప్రాంతం, జాతి భేదం లేకుండా సంపూర్ణ సౌందర్యమే ప్రాతిపదికగా ఈ పోటీ సాగుతుంది. కాగా, 2020కి గానూ ఈ స్థానాన్ని ఇజ్రాయెల్‌కు చెందిన మోడల్‌, నటి యూల్‌ షెల్బియా గెల్చుకున్నారు. ‘ప్రపంచంలోనే అందమైన ముఖం’ గల యువతిగా ఎంపికవడంతో ఆనందంలో తేలిపోతున్నానన్న షెల్బియా.. గెలిచిన తర్వాత చేదు విమర్శలను కూడా ఎదుర్కొందట.

ఈ రేసులో ఉన్నట్టు కూడా  తెలియకుండానే కిరీటం గెల్చుకున్నానని.. తనకు ఓటేసిన వారందరికీ కృతజ్ఞతలు చెప్పింది. 19 ఏళ్ల ఈ అందగత్తెకు ఇన్‌స్టాగ్రాంలో నాలుగు వేలకు పైగా కామెంట్లు వచ్చాయట. ఐతే అవన్ని అభినందలు, పొగడ్తలు మాత్రమే కావని చెప్పుకొచ్చింది. ద్వేషించే వాళ్లు ఎప్పటి మాదిరిగానే తనను కూడా దూషించారిని.. తనను బ్యూటీ క్వీన్‌ కాదు అగ్లీ క్వీన్‌ ( అందవిహీనమైన రాణి) అని చాలా మంది ట్రోలింగ్‌ చేశారని వాపోయింది. ఐతే వాటిని తాను కనీసం పట్టించుకోనని కూడా చెప్పేసింది.

గ్లామర్‌ క్వీన్‌లు కిమ్‌ కర్దాషియన్‌, కైలీ జెన్నర్‌ల సౌందర్య ఉత్పత్తులకు.. యూల్‌  మోడల్‌గా పనిచేసింది. అమెరికన్‌ కోటీశ్వరుడు, సినీ, మీడియా దిగ్గజం సమ్మర్‌ రెడ్‌స్టోన్‌ మనవడు బ్రాండన్‌ కోర్ఫ్‌తో డేటింగ్‌లో ఉంది యూల్‌. అందం అనేది వ్యక్తిగత అభిప్రాయమని.. ఆడవారందరూ అందమైన వారేనని యూల్‌ అభిప్రాయపడింది. అందమైన ముఖమే కాకుండా.. దయ, వినయం, సానుకూల దృక్పధం లాంటి లక్షణాల వల్ల కూడా వ్యక్తులు అందంగా కనిపించవచ్చని నమ్ముతుందట. మనం నిజంగా మంచిగా ఉంటే అది మన కళ్లలో కనిపిస్తుందని.. అవి అబద్ధం చెప్పవంటూ చెప్పుకొచ్చింది.

ఇవీ చదవండి..

మెరుపు కాంబినేషన్లు

ప్రభాస్‌ను ఢీకొట్టేందుకు 


CHNWfk-APBV

Tags :

మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని