ఇంటర్నెడెస్క్‌: ‘ఇన్‌సోమ్నియా’, ‘ఇన్సెప్షన్‌’, ‘ఇంటర్‌స్టెలర్ల్‌’ వంటి అద్భుతమైన యాక్షన్‌ థ్రిల్లర్‌ మూవీలను తెరకెక్కించిన దర్శకుడు క్రిస్టోఫర్‌ నోలాన్‌. ఆయన దర్శకత్వం వహిస్తున్న తాజా చిత్రం ‘టెనెట్‌’. డాన్‌ డేవిడ్‌ వాష్టింగ్టన్‌, రాబర్ట్‌ పాటిసన్‌, ఎలిజెబెత్‌ డెబిస్కీ, డింపుల్‌ కపాడియా కీలక పాత్రలు పోషిస్తున్నారు.

ఇప్పటికే చిత్రీకరణ పూర్తి చేసుకున్న ఈ సినిమా  జులై 17, 2020న ప్రేక్షకుల ముందుకు రావాల్సి ఉంది. కానీ, లాక్‌డౌన్‌, కరోనా కారణంగా విడుదల వాయిదా పడింది. తప్పకుండా ఈ సినిమాను థియేటర్‌లలోనే విడుదల చేస్తామని చిత్ర బృందం తెలిపింది. టైమ్‌ ట్రావెల్‌లో సాగే సినిమా అంటూ సాగిన ప్రచారానికి ఈ కొత్త ట్రైలర్‌తో తెరపడింది. మరి ఈసారి క్రిస్టోఫర్‌ నోలాన్‌ ఏ కాన్సెప్ట్‌తో సినిమాను తెరకెక్కించారో చూడాలంటే ఇంకొన్ని రోజులు ఆగాల్సిందే.