ఏడుసార్లుపడ్డ రకుల్‌.. జిమ్‌లో రవితేజ

సోషల్‌ లుక్‌: తారలు పంచిన విశేషాలు

* సముద్రంలో సాహసాలు చేస్తున్నారు రకుల్‌ప్రీత్‌ సింగ్‌. గత కొన్నిరోజులుగా మాల్దీవుల్లో విహారయాత్రను ఎంజాయ్‌ చేస్తున్న ఈ బ్యూటీ ఫ్లైబోర్డ్ చేస్తున్న ఫొటో షేర్‌ చేశారు. ‘ఏడు సార్లు కిందపడ్డా.. ఎనిమిదోసారి నిలబడగలిగా..’ అని స్ఫూర్తినిచ్చే క్యాప్షన్‌ చేశారు.

* ‘కష్టపడండి.. ఆనందించండి.. దాన్నే రిపీట్‌ చేయండి’ అంటున్నారు రవితేజ. జిమ్‌లో కసరత్తులు చేస్తున్న వీడియోను ఆయన అభిమానులతో పంచుకున్నారు. పలు రకాల వ్యాయామాల్ని సీరియస్‌గా చేస్తూ కనిపించారు.

* ప్రియాంకా చోప్రా, నిక్‌ జొనాస్‌ వివాహ బంధంతో ఒక్కటై రెండేళ్లు పూర్తయింది. ఈ సందర్భంగా ప్రియాంక తన భర్తకు శుభాకాంక్షలు తెలిపారు. తన బలం, బలహీనత.. సర్వస్వం ఆయనేనంటూ ఫొటో పంచుకున్నారు.

* సుమ, రేణూ దేశాయ్‌ కలిసి ‘యాపిల్‌ పై’ చేశారు. ‘సుమక్క’ ప్రోగ్రామ్‌కు రేణూ అతిథిగా విచ్చేశారు. ఇద్దరు కలిసి సందడి చేస్తున్న ప్రోమో యూట్యూబ్‌లో వీక్షకుల్ని అలరిస్తోంది.

* అక్కినేని అఖిల్‌ గుర్రపు స్వారీని ఎంజాయ్‌ చేస్తున్నారు. ఉదయం నిద్రలేచిన తర్వాత రోజును ఇలా ప్రారంభించానని వీడియో షేర్‌ చేశారు. దీనికి సమంత ‘వావ్‌’.. అని కామెంట్‌ చేశారు.