close

Updated : 17/01/2021 05:57 IST
Facebook Share Twitter Share WhatsApp Share Telegram Share
రూ.1,000 కోట్లతో ‘అంకుర భారత్‌ మూలనిధి’

దిల్లీ: అంకుర సంస్థలకు చేయూతనిచ్చే ఉద్దేశంతో రూ.1,000 కోట్లతో ‘స్టార్టప్‌ ఇండియా సీడ్‌ ఫండ్‌’ (అంకుర భారత్‌ మూలనిధి)ను ప్రారంభించినట్లు ప్రధాని నరేంద్ర మోదీ శనివారం ప్రకటించారు. వినూత్న ఆలోచనలను ఆవిష్కరణల రూపంలోకి తీసుకొచ్చే విషయంలో యువ వ్యాపారవేత్తలకు ఈ నిధి ఉపయోగపడుతుందని ఆయన పేర్కొన్నారు. అంకురాల వృద్ధితో అటు ఉద్యోగాల సృష్టి జరగడమే కాకుండా ఆ ప్రాంతంలోని ప్రజల జీవన ప్రమాణాలూ మెరుగవుతాయని ఆయన అన్నారు. ‘అంకుర సంస్థలకు మూలనిధిని అందించేందుకు దేశం రూ.1000 కోట్ల నిధిని అందుబాటులోకి తెచ్చింది. కొత్త అంకురాల ఏర్పాటుకు, వాటి వృద్ధికి ఈ నిధి తోడ్పడుతుంద’ని స్టార్టప్‌ ఇండియా ఇంటర్నేషనల్‌ సమిట్‌ కార్యక్రమంలో ప్రసంగిస్తూ ప్రధాని చెప్పారు. అంకుర సంస్థలు మూలధనాన్ని సమీకరించేందుకు ఫండ్‌ ఆఫ్‌ ఫండ్‌ స్కీమ్‌ను కూడా ఇప్పటికే ప్రభుత్వం అమలు చేస్తోందని అన్నారు. మున్ముందు రుణాలను సమీకరించే విషయంలోనూ అంకురాలకు ప్రభుత్వం అండగా నిలుస్తుందని హామీనిచ్చారు.

Tags :

మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని