విజయవాడలోని ప్రకాశం బ్యారేజీ దిగువన యాప్రాన్‌ ప్రాంతం.. దాని మీదుగా కొనసాగుతున్న వరద నీటిలో ఈదుకుంటూ వస్తున్న చేపలను తినేందుకు కొన్ని కొంగలు అక్కడికి చేరుకున్నాయి.. చాలాసేపటివరకు ఎదురుచూసినా ఒక్క మీనం కూడా చిక్కలేదు. సుదీర్ఘ నిరీక్షణ అనంతరం వాటిల్లోని ఓ కొంగ ప్రవాహంలోని చేప పిల్లను గుర్తించి నేర్పుగా ఒడిసి పట్టింది. అనంతరం నోటకర్చుకోగా.. మరో కొంగ దాన్ని లాక్కునేందుకు తీవ్రంగా ప్రయత్నించింది. ఈ క్రమంలో అది ఎదురు తిరగ్గా.. ఆ చేపను చెరి సగం తిందామన్నట్లుగా రెండో కొంగ ఇలా ప్రాధేయపడుతూ కనిపించింది!