పుచ్చకాయ పాయసం

పాఠక వంట

కావాల్సినవి: గింజలు తీసిన పుచ్చకాయ గుజ్జు - రెండు కప్పులు, వేయించిన సేమ్యా- కప్పు, వేయించిన సగ్గుబియ్యం- పావుకప్పు, కాచిన పాలు- కప్పు, బెల్లం తురుము- కప్పు, అటుకులు- రెండు టేబుల్‌స్పూన్లు, తేనె- రెండు టీస్పూన్లు, యాలకుల పొడి- పావు టీస్పూన్‌, వేయించిన జీడిపప్పు, బాదంపప్పు ముక్కలు- పావుకప్పు, కొబ్బరి తురుము- పావు కప్పు, నెయ్యి- టేబుల్‌స్పూన్‌, నీళ్లు - రెండు కప్పులు.
తయారీ: మందపాటి గిన్నెలో కొద్దిగా నెయ్యి వేసి తర్వాత నీళ్లు పోసి మరిగించాలి. వేయించిన సేమ్యా, సగ్గుబియ్యం, కొబ్బరి తురుము వేసి మెత్తగా అయ్యేవరకు ఉడికించాలి. తర్వాత పుచ్చకాయ గుజ్జు, బెల్లం తురుము, యాలకుల పొడి, అటుకులు వేసి మరికాసేపు ఉడికించాలి. ఇది బాగా ఉడికి కొంచెం చిక్కబడ్డాక దించి తేనె వేసి పక్కన పెట్టుకోవాలి. ఈ మిశ్రమం కొద్దిగా చల్లారాక కాచిన పాలు పోసి బాగా కలపాలి. చివరగా వేయించి జీడిపప్పు, బాదంపప్పు ముక్కలతో పాయసాన్ని అలంకరించుకోవాలి. ఇది చక్కటి రంగుతో చూడటానికి ఆకర్షణీయంగా ఉండటంతోపాటు రుచిగానూ ఉంటుంది.

- పింగళి భాగ్యలక్ష్మి, గుంటూరు

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

మరిన్ని

రుచులు

App